Moral stories in Kannada | ಕನ್ನಡ ನೀತಿ ಕಥೆಗಳು
Moral stories in Kannada, Stories in Kannada, Kannada stories, ಕನ್ನಡ ಕಥೆಗಳು, ಕಥೆಗಳು, ಪ್ರಾಣಿಗಳ ನೀತಿ ಕಥೆಗಳು, ನೀತಿ ಕಥೆಗಳು, ಕನ್ನಡ ನೀತಿ ಕಥೆಗಳು, moral story in kannada, kannada moral story, neethi kathegalu in kannada, kannada neethi kathegalu, ಕನ್ನಡ ಮಕ್ಕಳ ಸಣ್ಣ ಕಥೆಗಳು, kannada sanna kathegalu
Here you can find Moral stories in Kannada. These moral stories along with entertaining the kids will also teach them the moral and help them to understand the difference between the good and the bad things.
ಇಲ್ಲಿ ನೀವು ಕನ್ನಡದಲ್ಲಿ ನೀತಿ ಕಥೆಗಳನ್ನು(moral stories in Kannada) ಕಾಣಬಹುದು.
ನೈತಿಕ ಕಥೆಗಳು ಎಲ್ಲಾ ವಯಸ್ಸಿನ ಮಕ್ಕಳಿಗೆ ಹಲವಾರು ಪ್ರಯೋಜನಗಳನ್ನು ನೀಡುತ್ತವೆ. ಕಥೆಗಳು ನಿಮ್ಮ ಮಗುವನ್ನು ಕಲ್ಪನೆಯನ್ನು ತೊಡಗಿಸಿಕೊಳ್ಳಲು ಕೆಲಸ ಮಾಡುತ್ತವೆ, ಮನರಂಜನೆ ನೀಡುತ್ತವೆ ಮತ್ತು ನಿಮ್ಮ ಚಿಕ್ಕ ಮಗುವನ್ನು ನಗುವಂತೆ ಮಾಡುತ್ತವೆ. ಸಣ್ಣ ನೈತಿಕ ಕಥೆಗಳು ನಿಮ್ಮ ಮಗುವಿನ ಗಮನವನ್ನು ಸೆಳೆಯುವಲ್ಲಿ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತವೆ, ಕಥೆಯ ಉದ್ದಕ್ಕೂ ಮಕ್ಕಳನ್ನು ಕೇಂದ್ರೀಕರಿಸುತ್ತವೆ.
ಆದಾಗ್ಯೂ, ಅತ್ಯುತ್ತಮ ನೈತಿಕ ಕಥೆಗಳು ನಿಮ್ಮ ಮಗುವಿಗೆ ಸತ್ಯವನ್ನು ಕಲಿಸುತ್ತವೆ. ಮಕ್ಕಳು, ವಿಶೇಷವಾಗಿ ಕಿರಿಯರು, ಪುನರಾವರ್ತನೆಯನ್ನು ಪ್ರೀತಿಸುತ್ತಾರೆ. ಅದೇ ನೈತಿಕ ಕಥೆಗಳನ್ನು ನೀವು ಎಷ್ಟು ಹೆಚ್ಚು ಓದುತ್ತೀರೋ ಅಷ್ಟು ನಿಮ್ಮ ಮಗುವಿಗೆ ಕಥೆ ಮತ್ತು ನೈತಿಕ ಪಾಠದ ಪರಿಚಯವಾಗುತ್ತದೆ.
Moral stories in Kannada | ನೀತಿ ಕಥೆಗಳು ಕನ್ನಡದಲ್ಲಿ
ಋಷಿ ಮತ್ತು ನಾಣ್ಯ | The Sage and The Coin Moral stories in Kannada
ಒಬ್ಬ ಋಷಿಯು ಒಮ್ಮೆ ಒಂದು ರಾಜ್ಯಕ್ಕೆ ಆಗಮಿಸಿದರು. ಆ ರಾಜ್ಯದ ಒಂದು ಗ್ರಾಮದ ಮೂಲಕ ಹಾದು ಹೋಗುತ್ತಿದ್ದಾಗ ರಸ್ತೆಯಲ್ಲಿ ಬಿದ್ದಿದ್ದ ಒಂದು ಬೆಲೆಬಾಳುವ ನಾಣ್ಯವನ್ನು ಗಮನಿಸಿದರು. ಋಷಿಯು ಅದನ್ನು ಎತ್ತಿಕೊಂಡು, ಅವರು ತನ್ನ ಸರಳ ಜೀವನದಿಂದ ತೃಪ್ತನಾಗಿದ್ದರಿಂದ ಮತ್ತು ಅದರ ಅಗತ್ಯವಿಲ್ಲದಿದ್ದರಿಂದ ಅದನ್ನು ದಾನ ಮಾಡಲು ನಿರ್ಧರಿಸಿದರು.
ಋಷಿಯು ನಾಣ್ಯವನ್ನು ದಾನ ನೀಡುವ ಉದ್ದೇಶದಿಂದ ದಿನವಿಡೀ ಆ ಗ್ರಾಮದ ಬೀದಿಗಳಲ್ಲಿ ಸುತ್ತಾಡಿದರು. ಆದರೆ ಅಂತಹ ಯಾರನ್ನೂ ಕಂಡುಹಿಡಿಯಲು ಆಗಲಿಲ್ಲ. ಕತ್ತಲಾದ ಕಾರಣ ಋಷಿಯು ವಿಶ್ರಾಂತಿ ಪಡೆಯುವ ಉದ್ದೇಶದಿಂದ ಗ್ರಾಮದ ಹೊರವಲಯದಲ್ಲಿದ್ದ ಒಂದು ಮಂದಿರವನ್ನು ತಲುಪಿ ಆ ರಾತ್ರಿಯನ್ನು ಅಲ್ಲಿಯೇ ಕಳೆದರು.
ಮರುದಿನ ಬೆಳಿಗ್ಗೆ, ಋಷಿಯು ಒಬ್ಬ ರಾಜನು ತನ್ನ ಸೈನ್ಯದೊಂದಿಗೆ ಮತ್ತೊಂದು ರಾಜ್ಯದ ಆಕ್ರಮಣಕ್ಕೆ ಹೋಗುತ್ತಿರುವುದನ್ನು ಕಾಣುತ್ತಾರೆ. ಋಷಿಯನ್ನು ಕಂಡ ರಾಜನು, ಋಷಿಯ ಬಳಿ ಆಶೀರ್ವಾದ ಪಡೆಯುವ ಆಲೋಚನೆಯಿಂದ ತನ್ನ ಸೈನ್ಯವನ್ನು ನಿಲ್ಲಿಸುತ್ತಾನೆ.
ಋಷಿಯ ಬಳಿ ಬಂದು ಆಶೀರ್ವಾದ ಬೇಡಿದ ರಾಜನಿಗೆ ಋಷಿಯು ತನ್ನ ಬಳಿ ಇದ್ದ ಒಂದು ನಾಣ್ಯವನ್ನು ನೀಡುತ್ತಾರೆ. ಋಷಿ ನೀಡಿದ ನಾಣ್ಯದಿಂದ ರಾಜ ಗೊಂದಲಕ್ಕೊಳಗಾದನು. ರಾಜನು ಇದರ ಅರ್ಥ ತಿಳಿಯುವ ಉದ್ದೇಶದಿಂದ ಆ ಋಷಿಗೆ ಈ ಒಂದು ನಾಣ್ಯದ ಅರ್ಥವೇನೆಂದು ಕೇಳುತ್ತಾನೆ.
ಆಗ ಋಷಿ, ಮಹಾರಾಜರಿಗೆ ತನಗೆ ನಾಣ್ಯ ಸಿಕ್ಕಿದ್ದು ಮತ್ತು ಅದನ್ನು ಅಗತ್ಯವಿರುವವರಿಗೆ ದಾನ ಮಾಡಲು ಪಟ್ಟ ಕಷ್ಟ ಎಲ್ಲವನ್ನು ವಿವರಿಸಿದರು. ನಿಮ್ಮ ರಾಜ್ಯದಲ್ಲಿ ಎಲ್ಲರೂ ಸಂತೋಷದಿಂದ ಇದ್ದಾರೆ ಮತ್ತು ಇದ್ದದ್ದರಲ್ಲಿಯೇ ಅವರು ತೃಪ್ತರಾಗಿದ್ದಾರೆ. ಹಾಗಾಗಿ ಈ ನಾಣ್ಯವನ್ನು ಕೊಡಲು ನನಗೆ ಯಾರೂ ಸಿಗಲಿಲ್ಲ ಎಂದು ಋಷಿ ಹೇಳಿದರು.
ಋಷಿ ತಮ್ಮ ಮಾತನ್ನು ಮುಂದುವರಿಸಿ ಆದರೆ ಈ ರಾಜ್ಯದ ರಾಜರಾದ ನೀವು ಈಗಿರುವುದರಲ್ಲಿ ತೃಪ್ತಿ ಹೊಂದಿಲ್ಲ. ಇನ್ನೂ ಹೆಚ್ಚಿನದನ್ನು ಗಳಿಸುವ ಬಯಕೆಯನ್ನು ಹೊಂದಿದ್ದೀರಿ. ಆದ್ದರಿಂದ ಈ ನಾಣ್ಯದ ಅವಶ್ಯಕತೆ ನಿಮಗೆ ಇರಬಹುದೆಂದು ಭಾವಿಸಿ ನಿಮಗೆ ಈ ನಾಣ್ಯ ನೀಡಿದೆ ಎಂದು ಋಷಿ ಹೇಳಿದರು.
ರಾಜನಿಗೆ ತನ್ನ ತಪ್ಪಿನ ಅರಿವಾಗಿ ಯುದ್ಧದ ಆಲೋಚನೆಯನ್ನು ಅಲ್ಲಿಯೇ ಕೈ ಬಿಟ್ಟು ತನ್ನ ಸೈನ್ಯದೊಂದಿಗೆ ಮರಳಿದನು.
ಕಥೆಯ ನೀತಿ / Moral of the story in Kannada: ನಾವು ಯಾವಾಗಲೂ ಇದ್ದುದರಲ್ಲಿಯೇ ತೃಪ್ತಿ ಪಡಬೇಕು.
ಭೂಮಿ ಮತ್ತು ನಕ್ಷತ್ರ | The Earth and The Star Moral stories in Kannada
ಒಂದು ಹಳ್ಳಿಯಲ್ಲಿ ಒಬ್ಬ ವ್ಯಕ್ತಿ ತನ್ನನ್ನು ತಾನು ದೊಡ್ಡ ಜ್ಯೋತಿಷಿ ಎಂದು ಹೇಳಿಕೊಳ್ಳುತ್ತಿದ್ದ. ಆತ ರಾತ್ರಿಯಲ್ಲಿ ಆಕಾಶವನ್ನು ನೋಡುತ್ತ ಕುಳಿತಿರುತ್ತಿದ್ದ ಮತ್ತು ನಕ್ಷತ್ರಗಳ ಚಲನವಲನೆಯಿಂದ ನಮ್ಮ ಭವಿಷ್ಯವನ್ನು ತಿಳಿಯಬಹುದೆಂದು ಹೇಳುತ್ತಿದ್ದ.
ಹಳ್ಳಿಯ ಜನರು ಯಾವಾಗಲೂ ಭವಿಷ್ಯದ ಬಗ್ಗೆ ಚಿಂತಿಸುವುದರಲ್ಲಿ ನಿರತರಾಗಿದ್ದರು ಮತ್ತು ಆಗಾಗ್ಗೆ ಈ ಜ್ಯೋತಿಷಿಯ ಬಳಿಗೆ ತಮ್ಮ ಭವಿಷ್ಯವನ್ನು ತಿಳಿದುಕೊಳ್ಳಲು ಬರುತ್ತಿದ್ದರು.
ಒಂದು ಸಂಜೆ ಆ ಜ್ಯೋತಿಷಿ ಹಳ್ಳಿಯ ಹೊರಗಿನ ರಸ್ತೆಯಲ್ಲಿ ಆಕಾಶದಲ್ಲಿನ ನಕ್ಷತ್ರಗಳನ್ನು ನೋಡಿಕೊಂಡು ಹೋಗುತ್ತಿದ್ದ. ನಕ್ಷತ್ರಗಳನ್ನು ಗಮನಿಸಿದಾಗ ಪ್ರಪಂಚದ ಅಂತ್ಯವು ಹತ್ತಿರದಲ್ಲಿದೆ ಎಂದು ಅವನು ಮನಸ್ಸಿನಲ್ಲಿ ಭಾವಿಸಿದನು. ನಕ್ಷತ್ರಗಳನ್ನು ನೋಡುತ್ತ ಕೆಳಗೆ ನೋಡದೆ ನಡೆಯುತ್ತಿದ್ದಾಗ ಕೆಸರು ಮತ್ತು ನೀರು ತುಂಬಿದ ಹಳ್ಳಕ್ಕೆ ಬಿದ್ದನು.
ಕೆಸರಿನಿಂದ ತುಂಬಿದ್ದ ಹಳ್ಳಕ್ಕೆ ಬಿದ್ದ ನಂತರ ಹೊರ ಬರಲು ಸಾಕಷ್ಟು ಪ್ರಯತ್ನ ಮಾಡಿದನು ಆದರೆ ಯಾವುದು ಫಲ ನೀಡಲಿಲ್ಲ. ನಂತರ ಭಯದಿಂದ ಅವನು ಸಹಾಯಕ್ಕಾಗಿ ಕಿರುಚಲು ಪ್ರಾರಂಭಿಸಿದನು. ಅವನ ಕೂಗು ಗ್ರಾಮಸ್ಥರನ್ನು ತಲುಪಿತು. ಕೂಡಲೇ ಗ್ರಾಮಸ್ಥರೆಲ್ಲ ಜ್ಯೋತಿಷಿಯ ಕೂಗು ಕೇಳಿ ಅವನ ಸಹಾಯಕ್ಕಾಗಿ ಆ ಕೆಸರಿನಿಂದ ತುಂಬಿದ ಹಳ್ಳದತ್ತ ಧಾವಿಸಿದರು.
ಗ್ರಾಮಸ್ಥರು ಅವನನ್ನು ಕೆಸರಿನಿಂದ ಹೊರತೆಗೆಯುತ್ತಿದ್ದಂತೆ, ಅವರಲ್ಲಿ ಒಬ್ಬರು , “ಭವಿಷ್ಯವನ್ನು ನಕ್ಷತ್ರಗಳಲ್ಲಿ ಕಾಣಲು ಪ್ರಯತ್ನಿಸುತ್ತಿದ್ದ ನೀವು, ನಿಮ್ಮ ಕೆಳಗಡೆ ಏನಿದೆ ಎಂದು ನೋಡಲು ವಿಫಲರಾದಿರಿ. ನಿಮ್ಮ ಮುಂದೆ ಏನಿದೆ ಎಂಬುದರ ಬಗ್ಗೆ ನೀವು ಹೆಚ್ಚು ಗಮನ ಹರಿಸಿದರೆ, ನಿಮ್ಮ ಭವಿಷ್ಯವು ತಾನಾಗಿಯೇ ಉಜ್ವಲಗೊಳ್ಳುತ್ತದೆ” ಎಂದು ಹೇಳಿದರು.
ಅಲ್ಲಿಯೇ ಇದ್ದ ಇನ್ನೊಬ್ಬ “ಭೂಮಿಯ ಮೇಲೆ ಏನಿದೆ ಎಂದು ನಿಮಗೆ ಕಾಣಿಸದಿದ್ದಾಗ ನಕ್ಷತ್ರಗಳನ್ನು ನೋಡಿ ಏನು ಪ್ರಯೋಜನ?” ಎಂದು ಹೇಳಿದರು.
ಕಥೆಯ ನೀತಿ / Moral of the story in Kannada : ಭವಿಷ್ಯದ ಬಗ್ಗೆ ಚಿಂತಿಸುತ್ತಾ ನಾವು ನಮ್ಮ ಮುಂದಿರುವುದರ ಬಗ್ಗೆ ಗಮನ ಹರಿಸಲು ವಿಫಲರಾಗುತ್ತೇವೆ.
ಕೋತಿ ಮತ್ತು ಮೊಸಳೆಯ ಕನ್ನಡ ನೀತಿ ಕಥೆ | Intelligent monkey and a foolish crocodile Moral Stories in Kannada
ನದಿಯ ದಡದಲ್ಲಿ ಮರದ ಮೇಲೆ ಕೋತಿಯೊಂದು ವಾಸಿಸುತಿತ್ತು. ಅದು ಪ್ರತಿದಿನ ರುಚಿಕರವಾದ ಹಣ್ಣುಗಳನ್ನು ತಿನ್ನುತ್ತಿತ್ತು. ಒಮ್ಮೆ, ಅದು ದಣಿದ ಮತ್ತು ಹಸಿವಿನಿಂದ ಕಾಣುವ ಮೊಸಳೆಯನ್ನು ಮರದ ಕೆಳಗೆ ವಿಶ್ರಾಂತಿ ಪಡೆಯುತ್ತಿರುವುದನ್ನು ನೋಡಿತು. ಮೊಸಳೆಯ ಬಗ್ಗೆ ಕನಿಕರಗೊಂಡ ಕೋತಿಯು ಮೊಸಳೆಗೆ ಕೆಲವು ಹಣ್ಣುಗಳನ್ನು ನೀಡಿತು.
ಮೊಸಳೆ ಕೋತಿಗೆ ಧನ್ಯವಾದ ಹೇಳಿತು. ಶೀಘ್ರದಲ್ಲೇ, ಇಬ್ಬರು ಉತ್ತಮ ಸ್ನೇಹಿತರಾದರು. ಕೋತಿ ಪ್ರತಿದಿನ ಮೊಸಳೆಗೆ ಹಣ್ಣುಗಳನ್ನು ನೀಡುತ್ತಿತ್ತು. ಒಂದು ದಿನ, ಕೋತಿ ತನ್ನ ಹೆಂಡತಿಗೆ ಮನೆಗೆ ತೆಗೆದುಕೊಂಡು ಹೋಗಲು ಮೊಸಳೆಗೆ ಹೆಚ್ಚುವರಿ ಹಣ್ಣುಗಳನ್ನು ನೀಡಿತು.
ಮೊಸಳೆಯ ಹೆಂಡತಿ ದುಷ್ಟ ಮೊಸಳೆ ಆಗಿದ್ದಳು, ಸಿಹಿ ಹಣ್ಣುಗಳನ್ನು ಸೇವಿಸಿದ ನಂತರ ತನ್ನ ಪತಿಗೆ ತಾನು ಕೋತಿಯ ಹೃದಯವನ್ನು ತಿನ್ನಲು ಬಯಸುವುದಾಗಿ ಹೇಳಿದಳು. ಕೋತಿಯ ಹೃದಯ ಸಿಹಿಯಾಗಿರುತ್ತದೆ ನಾನದನ್ನು ತಿನ್ನಬೇಕೆಂದು ಹೇಳಿದಳು. ಮೊಸಳೆಯು ಮೊದಲಿಗೆ ಅಸಮಾಧಾನಗೊಂಡಿತು ಆದರೆ ತನ್ನ ಹೆಂಡತಿಯ ಇಚ್ಛೆಗೆ ಮಣಿಯಲು ನಿರ್ಧರಿಸಿತು.
ಮರುದಿನ, ಮೊಸಳೆಯು ತನ್ನ ಹೆಂಡತಿಯು ಊಟಕ್ಕಾಗಿ ಆಹ್ವಾನಿಸಿದ್ದಾಳೆ ಹಾಗೂ ಕೋತಿ ತಪ್ಪದೆ ಬರಬೇಕೆಂದು ಕೋತಿಯ ಬಳಿ ವಿನಂತಿಸಿತು. ಮೊಸಳೆಯು ಮಂಗವನ್ನು ತನ್ನ ಬೆನ್ನಿನ ಮೇಲೆ ನದಿಯ ಮೂಲಕ ಕರೆದುಕೊಂಡು ಹೋಗುತ್ತಿರುವಾಗ , ಮೊಸಳೆಯು ಕೋತಿಗೆ ತನ್ನ ಹೃದಯವನ್ನು ತಿನ್ನುವ ತನ್ನ ಹೆಂಡತಿಯ ಯೋಜನೆ ಬಗ್ಗೆ ಬಾಯಿ ತಪ್ಪಿ ತಿಳಿಸಿಬಿಟ್ಟಿತು.
ಚುರುಕಾದ ಕೋತಿಯು ಮೊಸಳೆಗೆ ತನ್ನ ಹೃದಯವನ್ನು ಮರದ ಮೇಲೆ ಬಿಟ್ಟು ಬಂದಿರುವುದಾಗಿ ಹಾಗೂ ಅದನ್ನು ಹಿಂದಿರುಗಿ ಹೋಗಿ ತರಬೇಕೆಂದು ಹೇಳಿತು. ಮೊಸಳೆ ಮೂರ್ಖತನದಿಂದ ಕೋತಿಯನ್ನು ಮತ್ತೆ ಮರದ ಬಳಿ ಕರೆದೊಯ್ದಿತು. ಮರ ತಲುಪಿದಾಗ, ಕೋತಿ ಮರದ ಮೇಲೆ ಏರಿ , ಮರದ ಮೇಲಿಂದ ಮೊಸಳೆಗೆ, ನೀನು ನನ್ನ ನಂಬಿಕೆಗೆ ದ್ರೋಹ ಬಗೆದಿರುವೆ ಎಲ್ಲಾದರೂ “ಹೃದಯವನ್ನು ಮರದ ಮೇಲೆ ಇಡಲು ಸಾಧ್ಯವೇ?. ನಿನ್ನನ್ನು ಒಳ್ಳೆಯ ಸ್ನೇಹಿತ ಎಂದು ಭಾವಿಸಿದ್ದೆ. ಆದರೆ ನೀನು ನಿನ್ನ ಹೆಂಡತಿಯ ಮಾತು ಕೇಳಿ ನಮ್ಮ ಗೆಳೆತನಕ್ಕೆ ದ್ರೋಹ ಬಗೆದಿರುವೆ. ನಾವು ಮತ್ತೆ ಸ್ನೇಹಿತರಾಗಲು ಸಾಧ್ಯವಿಲ್ಲ” ಎಂದು ಕೋತಿ ಮೊಸಳೆಗೆ ಹೇಳಿತು.
ತನ್ನ ಸ್ನೇಹಿತನನ್ನು ಕಳೆದುಕೊಂಡ ನಂತರ ದುಃಖಿತನಾಗಿ, ಮೊಸಳೆಯು ತನ್ನ ದುಷ್ಟ ಹೆಂಡತಿಯ ಬಳಿಗೆ ಮರಳುತ್ತದೆ.
ಕಥೆಯ ನೀತಿ / Moral of the Kannada Story : ನಿಮ್ಮ ಸ್ನೇಹಿತರನ್ನು ಮತ್ತು ನೀವು ನಂಬುವ ಜನರನ್ನು ಬುದ್ಧಿವಂತಿಕೆಯಿಂದ ಆರಿಸಿ. ಇದಲ್ಲದೆ, ನಿಮ್ಮನ್ನು ನಂಬುವ ವ್ಯಕ್ತಿಯ ನಂಬಿಕೆಗೆ ಎಂದಿಗೂ ದ್ರೋಹ ಮಾಡಬೇಡಿ (Always choose your friends wisely, because nothing good comes or can be expected from bad people. Bad people will do only bad things to everyone. Also do not cheat or break trust of the people who trust you).
ಆನೆ ಮತ್ತು ಗೆಳೆಯರ ಕನ್ನಡ ನೀತಿ ಕಥೆ | Elephant and it’s friends Moral Stories in Kannada
ಒಂಟಿ ಆನೆಯು ಸ್ನೇಹಿತರನ್ನು ಹುಡುಕುತ್ತಾ ಕಾಡಿನಲ್ಲಿ ನಡೆದಾಡಿತು. ಆಗ ಅದು ಮರದ ಮೇಲೆ ಕುಳಿತಿದ್ದ ಕೋತಿಯನ್ನು ಗಮನಿಸಿತು ಮತ್ತು “ನಾವು ಸ್ನೇಹಿತರಾಗಬಹುದೇ, ಕೋತಿ?” ಎಂದು ಕೇಳಿತು.
ಕೋತಿ, “ನೀನು ದೊಡ್ಡವನು ಮತ್ತು ನನ್ನಂತೆ ಮರದಿಂದ ಮರಕ್ಕೆ ಜಿಗಿಯಲು ಸಾಧ್ಯವಿಲ್ಲ, ಹಾಗಾಗಿ ನಾನು ನಿನ್ನ ಸ್ನೇಹಿತನಾಗಲು ಸಾಧ್ಯವಿಲ್ಲ” ಎಂದು ಉತ್ತರಿಸಿತು.
ಬೇಸರಗೊಂಡ ಆನೆಯು ಮುಂದೆ ಸಾಗಿದಾಗ ದಾರಿಯಲ್ಲಿ ಸಾಗುತಿದ್ದ ಮೊಲವನ್ನು ಕಂಡಿತು.. ಆನೆಯು ಮೊಲವನ್ನು, “ನಾವು ಸ್ನೇಹಿತರಾಗಬಹುದೇ, ಮೊಲ?” ಎಂದು ಕೇಳಿತು.
ಮೊಲವು ಆನೆಗೆ, “ನೀವು ನನ್ನ ಬಿಲದೊಳಗೆ ಪ್ರವೇಶಿಸಲು ಸಾಧ್ಯವಾಗುವುದಿಲ್ಲ. ಆದ್ದರಿಂದ ನೀವು ನನ್ನ ಸ್ನೇಹಿತರಾಗಲು ಸಾಧ್ಯವಿಲ್ಲ” ಎಂದು ಉತ್ತರಿಸಿತು.
ನಂತರ, ಆನೆಯು ಕಪ್ಪೆಯನ್ನು ಭೇಟಿಯಾಗುವವರೆಗೂ ಮುಂದುವರೆಯಿತು. ಮತ್ತು ಆನೆಯು ಕಪ್ಪೆಯನ್ನು ಅದೇ ಪ್ರಶ್ನೆ ಪ್ರಶ್ನಿಸಿತು , “ಕಪ್ಪೆ, ನೀನು ನನ್ನ ಸ್ನೇಹಿತನಾಗುತ್ತೀಯಾ?”
ಕಪ್ಪೆ ಉತ್ತರಿಸಿತು, “ನೀವು ತುಂಬಾ ದೊಡ್ಡವರು ಮತ್ತು ಭಾರವಾಗಿದ್ದೀರಿ. ನೀವು ನನ್ನಂತೆ ನೆಗೆಯಲು ಸಾಧ್ಯವಿಲ್ಲ. ಕ್ಷಮಿಸಿ, ಆದ್ದರಿಂದ ನೀವು ನನ್ನ ಸ್ನೇಹಿತರಾಗಲು ಸಾಧ್ಯವಿಲ್ಲ ಎಂದು ಉತ್ತರಿಸಿತು.
ಆನೆಯು ತನ್ನ ದಾರಿಯಲ್ಲಿ ಸಿಗುವ ಎಲ್ಲ ಪ್ರಾಣಿಗಳನ್ನು ಕೇಳುವುದನ್ನು ಮುಂದುವರೆಸಿತು, ಆದರೆ ಎಲ್ಲರಿಂದಲೂ “ಇಲ್ಲ” ಎಂಬ ಉತ್ತರ ದೊರೆಯಿತು. ಮರುದಿನ, ಆನೆ ಎಲ್ಲಾ ಕಾಡಿನ ಪ್ರಾಣಿಗಳು ಭಯದಿಂದ ಓಡುತ್ತಿರುವುದನ್ನು ಕಂಡಿತು. ಏನಾಗುತ್ತಿದೆ ಎಂದು ಕೇಳಲು ಆನೆಯು ಕರಡಿಯನ್ನು ನಿಲ್ಲಿಸಿತು ಹಾಗೂ ಕಾಡಿನಲ್ಲಿ ಏನಾಗುತ್ತಿದೆ ಏಕೆ ಎಲ್ಲರೂ ಓಡಿ ಹೋಗುತ್ತಿದ್ದಿರೆಂದು ಪ್ರಶ್ನಿಸಿತು. ಆಗ ಕರಡಿಯು ಹುಲಿ ಎಲ್ಲಾ ಸಣ್ಣ ಪ್ರಾಣಿಗಳ ಮೇಲೆ ದಾಳಿ ಮಾಡುತ್ತಿದೆ ಎಂದು ತಿಳಿಸಿತು .
ಆನೆಯು ಇತರ ಪ್ರಾಣಿಗಳನ್ನು ಉಳಿಸಲು ಬಯಸಿತು, ಆದ್ದರಿಂದ ಅದು ಹುಲಿಯ ಬಳಿಗೆ ಹೋಗಿ, “ದಯವಿಟ್ಟು, ನನ್ನ ಸ್ನೇಹಿತರನ್ನು ಬಿಟ್ಟುಬಿಡಿ. ಅವುಗಳನ್ನು ತಿನ್ನಬೇಡ” ಎಂದು ವಿನಂತಿಸಿತು.
ಆದರೆ ಹುಲಿ ಆನೆಯ ಮಾತನ್ನು ಕೇಳಲಿಲ್ಲ. ಅದು ಆನೆಗೆ ತನ್ನ ಕೆಲಸವನ್ನು ನೋಡಿಕೊಳ್ಳಲು ಹೇಳಿತು.
ಬೇರೆ ದಾರಿ ಕಾಣದೆ ಆನೆ ಹುಲಿಯನ್ನು ಒದ್ದು ಹೆದರಿಸಿ ಓಡಿಸಿತು. ಕೆಚ್ಚೆದೆಯ ಕಥೆಯನ್ನು ಕೇಳಿದ ನಂತರ, ಇತರ ಪ್ರಾಣಿಗಳು ಆನೆಯ ಬಳಿ ಬಂದು , ನಮ್ಮನ್ನು ಕ್ಷಮಿಸು ಹಾಗೂ ಇಂದಿನಿಂದಲೇ ನಾವೆಲ್ಲರೂ ನಿನ್ನ ಗೆಳೆಯರಾಗುತ್ತೇವೆಂದು ಆನೆಯ ಜೊತೆ ಗೆಳೆತನ ಮಾಡಿಕೊಂಡವು.
ಕಥೆಯ ನೀತಿ / Moral of the Story in Kannada : ವ್ಯಕ್ತಿಯ ಬಾಹ್ಯ ಸೌಂದರ್ಯಕ್ಕಿಂತ ಆಂತರಿಕ ಸೌಂದರ್ಯ ಬಹಳ ಮುಖ್ಯ (Person’s inner beauty is important than outer beauty. This applies to power, position, wealth, beauty etc).
ಸರ್ಕಸ್ಸಿನ ಆನೆಗಳ ಕನ್ನಡ ನೀತಿ ಕಥೆ | Elephants in a Circus Moral Stories in Kannada
ಒಂದಾನೊಂದು ಕಾಲದಲ್ಲಿ ಸರ್ಕಸ್ನಲ್ಲಿ ಐದು ಆನೆಗಳು ಸರ್ಕಸ್ ಮಾಡುತ್ತಿದ್ದವು. ಆನೆಗಳನ್ನು ಸುಲಭವಾಗಿ ತಪ್ಪಿಸಿಕೊಳ್ಳಬಹುದಂತಹ ದುರ್ಬಲ ಹಗ್ಗದಿಂದ ಕಟ್ಟಲಾಗಿತ್ತು.
ಒಂದು ದಿನ, ಸರ್ಕಸ್ಗೆ ಭೇಟಿ ನೀಡಿದ ವ್ಯಕ್ತಿಯೊಬ್ಬ ರಿಂಗ್ ಮಾಸ್ಟರ್ ಗೆ ಕುತೂಹಲದಿಂದ: “ಈ ಆನೆಗಳು ಹಗ್ಗವನ್ನು ಮುರಿದು ಏಕೆ ಓಡಿ ಹೋಗುವುದಿಲ್ಲವೆಂದು?” ಕೇಳಿದ.
ರಿಂಗ್ ಮಾಸ್ಟರ್ “ಆನೆಗಳು ಚಿಕ್ಕವರಾಗಿದ್ದಾಗಿನಿಂದ, ಹಗ್ಗಗಳನ್ನು ಮುರಿದು ತಪ್ಪಿಸಿಕೊಳ್ಳುವಷ್ಟು ಶಕ್ತಿಯಿಲ್ಲ ಎಂದು ನಂಬುವಂತೆ ಮಾಡಲಾಗಿದೆ” ಎಂದು ಉತ್ತರಿಸಿದರು.
ಈ ನಂಬಿಕೆಯಿಂದಲೇ ಅವು ಈಗ ಹಗ್ಗವನ್ನು ಮುರಿಯಲು ಪ್ರಯತ್ನಿಸುವುದಿಲ್ಲ ಎಂದು ರಿಂಗ್ ಮಾಸ್ಟರ್ ಉತ್ತರಿಸಿದ.
ಕಥೆಯ ನೀತಿ / Moral of the Story in Kannada : ಸಮಾಜದ ಮಿತಿಗಳಿಗೆ ಮಣಿಯಬೇಡಿ. ನೀವು ಬಯಸುವ ಎಲ್ಲವನ್ನೂ ನೀವು ಸಾಧಿಸಬಹುದು ಎಂದು ನಂಬಿರಿ. ಎಲ್ಲಿಯವರೆಗೂ ಇದು ನಮ್ಮಿಂದ ಸಾಧ್ಯವಿಲ್ಲ ಎಂದು ಭಾವಿಸುತ್ತೇವೋ ಅಲ್ಲಿಯವರೆಗೂ ನಮ್ಮಿಂದ ಏನೂ ಸಾಧ್ಯವಿಲ್ಲ (Always believe in yourself. Don’t limit yourself to the constrains that are set in this society. Always Remember as long as you think it’s impossible to do then nothing is possible to do).
ಬಾವಿ ಮತ್ತು ರೈತ ಕನ್ನಡ ನೀತಿ ಕಥೆ | The well and the farmer Moral Stories in Kannada
ತನ್ನ ಜಮೀನಿಗೆ ನೀರಿನ ಮೂಲವನ್ನು ಹುಡುಕುತ್ತಿದ್ದ ರೈತ ತನ್ನ ನೆರೆಹೊರೆಯವರಿಂದ ಬಾವಿಯನ್ನು ಖರೀದಿಸಿದನು. ನೆರೆಯವರು ಕುತಂತ್ರಿಯಾಗಿದ್ದರು. ರೈತನಿಗೆ ಬಾವಿಯಿಂದ ನೀರು ತೆಗೆದುಕೊಳ್ಳಲು ನಿರಾಕರಿಸಿದರು. ಏಕೆ ಎಂದು ಕೇಳಿದಾಗ, “ನಾನು ನಿಮಗೆ ಬಾವಿಯನ್ನು ಅಷ್ಟೇ ಮಾರಿದ್ದೇನೆ, ನೀರನ್ನಲ್ಲ” ಎಂದು ಉತ್ತರಿಸಿ ಅಲ್ಲಿಂದ ಹೊರಟುಹೋದನು. ಕಂಗಾಲಾದ ರೈತನಿಗೆ ಏನು ಮಾಡಬೇಕೆಂದು ತೋಚಲಿಲ್ಲ. ಆದ್ದರಿಂದ ಅವರು ಪರಿಹಾರಕ್ಕಾಗಿ ಅಕ್ಬರ್ ಚಕ್ರವರ್ತಿಯ ಆಸ್ಥಾನಗಳಲ್ಲಿ ಬುದ್ಧಿವಂತ ವ್ಯಕ್ತಿಯಾಗಿದ್ದ ಬೀರ್ಬಲ್ ಬಳಿ ಹೋದನು.
ಅಕ್ಬರ್ ಚಕ್ರವರ್ತಿ ರೈತ ಮತ್ತು ಅವನ ನೆರೆಹೊರೆಯವರನ್ನು ಕರೆದು ಆ ಮನುಷ್ಯನು ರೈತನಿಗೆ ಬಾವಿಯಿಂದ ನೀರು ಸೇದಲು ಏಕೆ ಬಿಡುತ್ತಿಲ್ಲ ಎಂದು ಕೇಳಿದನು. ಕುತಂತ್ರಿ ಮತ್ತೆ ಅದೇ ಮಾತನ್ನು ಹೇಳಿದ, “ನಾನು ಬಾವಿಯನ್ನು ಮಾರಿದ್ದೇನೆ ಹೊರತು ಅದರ ನೀರನ್ನಲ್ಲ, ಆದ್ದರಿಂದ ಅವನು ನನ್ನ ನೀರನ್ನು ತೆಗೆದುಕೊಳ್ಳಲು ಸಾಧ್ಯವಿಲ್ಲ“ .
ಅದಕ್ಕೆ ಬೀರ್ಬಲ್, “ನನಗೆ ಎಲ್ಲವೂ ಚೆನ್ನಾಗಿ ಅರ್ಥವಾಗಿದೆ. ನೀವು ಬಾವಿಯನ್ನಷ್ಟೇ ಮಾರಿ ನೀರು ನಿಮ್ಮದಾಗಿದ್ದರೆ, ನೀರನ್ನು ಅವನ ಬಾವಿಯಲ್ಲಿ ಬಿಡಲು ನಿಮಗೆ ಯಾವುದೇ ಅವಕಾಶವಿರುವುದಿಲ್ಲ. ನೀರನ್ನು ತೆಗೆದು ಹೊರ ಹಾಕಿ ಅಥವಾ ತಕ್ಷಣವೇ ಎಲ್ಲ ನೀರನ್ನು ಬಳಸಿ. ಇಲ್ಲದಿದ್ದರೆ ನೀರು ಬಾವಿಯ ಮಾಲೀಕರಿಗೆ ಸೇರುತ್ತದೆ” ಎಂದು ಉತ್ತರಸಿದನು.
ತನ್ನ ತಪ್ಪಿನ ಅರಿವಾದ ನಂತರ ಮತ್ತು ಮೋಸಮಾಡಿದ್ದಕ್ಕಾಗಿ ನೆರೆಹೊಲದ ವ್ಯಕ್ತಿ, ಚಕ್ರವರ್ತಿ ಹಾಗೂ ಬಾವಿಯ ಮಾಲಿಕನಿಗೆ ಕ್ಷಮೆಯನ್ನು ಕೇಳಿ, ತನ್ನ ತಪ್ಪನು ಮನ್ನಿಸಬೇಕು ಹಾಗೂ ಬಾವಿಯ ಮಾಲೀಕ ಬಾವಿಯ ನೀರನ್ನು ಉಪಯೋಗಿಸಬಹುದು ಎಂದು ಹೇಳಿ ಹೊರಟು ಹೋದನು.
ಕಥೆಯ ನೀತಿ / Moral of the Story in Kannada : ಮೋಸದಿಂದ ನೀವು ಏನನ್ನೂ ಪಡೆಯಲು ಸಾಧ್ಯವಾಗುವುದಿಲ್ಲ, ನೀವು ಮೋಸ ಮಾಡಿದರೆ, ನೀವು ಅದನ್ನು ಶೀಘ್ರದಲ್ಲೇ ಪಾವತಿಸುವಿರಿ (You cannot achieve anything by cheating others. Always remember if you cheat anyone soon you have to pay for it).
ದುರಾಸೆಯ ಇಲಿ ಕನ್ನಡ ನೀತಿ ಕಥೆ | Greedy Mouse Moral Stories in Kannada
ದುರಾಸೆಯ ಇಲಿಯು ಜೋಳದಿಂದ ತುಂಬಿದ ಬುಟ್ಟಿಯನ್ನು ನೋಡಿತು. ಇಲಿ ಅದನ್ನು ತಿನ್ನಲು ಬಯಸಿತು. ಇಲಿ ಬುಟ್ಟಿಯಲ್ಲಿ ಒಂದು ಸಣ್ಣ ರಂಧ್ರವನ್ನು ಮಾಡಿ ರಂಧ್ರದ ಮೂಲಕ ಮೀತಿ ಮೀರಿ ಜೋಳವನ್ನು ತಿಂದಿತು.
ಹೊಟ್ಟೆ ತುಂಬಿದ ಮೇಲೆ ಇಲಿ ರಂಧ್ರದಿಂದ ಹೊರ ಹೋಗಲು ಪ್ರಯತ್ನಿಸಿತು. ಮೀತಿ ಮೀರಿ ತಿಂದು ಹೊಟ್ಟೆ ತುಂಬಿದ್ದರಿಂದ ರಂಧ್ರದಿಂದ ಹೊರ ಹೋಗಲು ಸಾಧ್ಯವಾಗಲಿಲ್ಲ.
ಇಲಿ ಅಳಲಾರಂಭಿಸಿತು. ಆಗ ಮೊಲವೊಂದು ಇಲಿ ಅಳುವುದನ್ನು ಕಂಡು “ಸ್ನೇಹಿತ, ನೀನು ಯಾಕೆ ಅಳುತ್ತಿದ್ದೀಯಾ?” ಎಂದು ಕೇಳಿತು.
ಇಲಿ ವಿವರಿಸಿತು, “ನಾನು ಸಣ್ಣ ರಂಧ್ರವನ್ನು ಮಾಡಿ ಜೋಳವನ್ನು ತಿನ್ನಲು ಬುಟ್ಟಿಗೆ ಬಂದೆ. ಆದರೆ ಈಗ ನಾನು ಆ ರಂಧ್ರದಿಂದ ಹೊರಬರಲು ಸಾಧ್ಯವಾಗುತ್ತಿಲ್ಲ“.
ಮೊಲ ಹೇಳಿತು, “ನೀನು ಅತಿಯಾಗಿ ತಿಂದಿದ್ದರಿಂದಲೇ ಹೀಗಾಗಿದೆ ನಿನ್ನ ಹೊಟ್ಟೆ ಕರಗುವವರೆಗೂ ಕಾಯಿ” ಎಂದು ಹೇಳಿ ಮೊಲ ಹೊರಟುಹೋಯಿತು.
ಇಲಿ ಬುಟ್ಟಿಯಲ್ಲಿ ನಿದ್ರಿಸಿತು. ಮರುದಿನ ಬೆಳಿಗ್ಗೆ ಇಲಿಯ ಹೊಟ್ಟೆ ಕರಗಿತು. ಆದರೆ ಇಲಿ ಇನ್ನೂ ಸ್ವಲ್ಪ ಜೋಳವನ್ನು ತಿನ್ನಲು ಬಯಸಿ ಬುಟ್ಟಿಯಿಂದ ಹೊರಬರುವುದನ್ನು ಮರೆತುಬಿಟ್ಟನು. ಇಲಿ ಮತ್ತೆ ಜೋಳವನ್ನು ತಿಂದಿದ್ದರಿಂದ ಅದರ ಹೊಟ್ಟೆಯು ಮತ್ತೆ ದೊಡ್ಡದಾಯಿತು ಮತ್ತೆ ಹೊರಬರದೆ ನಾಳೆ ಹೋದರೆ ಆಯಿತು ಎಂದು ಅಲ್ಲೇ ಮಲಗಿತು.
ಬುಟ್ಟಿಯಲ್ಲಿ ಇಲಿಯ ವಾಸನೆ ಹಿಡಿದ ಬೆಕ್ಕು ಇಲಿಯನ್ನು ತಿಂದು ಮುಗಿಸಿತು.
ಕಥೆಯ ನೀತಿ / Moral of the Kannada Story : ಅತಿ ಆಸೆ ಗತಿ ಗೇಡು (Desire is the source of sorrow).
ಕಾಗೆ ಮತ್ತು ನವಿಲು ಕನ್ನಡ ನೀತಿ ಕಥೆ | The Crow and the Peacock Moral Stories in Kannada
ಒಂದು ಕಾಡಿನಲ್ಲಿ ಇತರ ಪಕ್ಷಿಗಳಂತೆ ವರ್ಣರಂಜಿತ ಮತ್ತು ಸುಂದರವಾಗಿರಲು ಬಯಸುವ ಕಾಗೆಯೊಂದು ಇತ್ತು. ಕಾಗೆ ಗಿಳಿಯ ಬಳಿ ಹೋಗಿ ಈ ವಿಷಯವನ್ನು ಹಂಚಿಕೊಂಡಿತು.
ಆದರೆ ಗಿಳಿ ನನಗಿಂತ ನವಿಲು ಅತ್ಯಂತ ಸುಂದರವಾದ ಪಕ್ಷಿ ಆದ್ದರಿಂದ ನವಿಲಿನೊಂದಿಗೆ ಮಾತನಾಡು ಎಂದು ಹೇಳಿತು. ಆಗ ಕಾಗೆಯು ನವಿಲಿನ ಬಳಿಗೆ ಹೋಗಿ ತನ್ನ ನೋವನ್ನು ಹೇಳಿಕೊಂಡಿತು.
ಆಗ ನವಿಲು, “ನಮ್ಮ ಸೌಂದರ್ಯದ ಕಾರಣದಿಂದ ನಾವು ಪಂಜರದಲ್ಲಿ ಇರುತ್ತೇವೆ ಮತ್ತು ಆದರೆ ನಿನಗೆ ಆ ಕಷ್ಟ ಇಲ್ಲ ನೀನು ಯಾವಾಗಲೂ ಸ್ವತಂತ್ರ. ನಿನ್ನನ್ನು ಯಾರು ಪಂಜರದಲ್ಲಿ ಇಡುವುದಿಲ್ಲ” ಎಂದು ಉತ್ತರಿಸಿದ.
ಇದನ್ನು ಕೇಳಿದ ಕಾಗೆಗೆ ತಾನು ತಪ್ಪಾಗಿ ಯೋಚಿಸಿದ್ದರ ಅರಿವಾಗಿ ತನ್ನನ್ನು ಹೀಗೆ ಸೃಷ್ಟಿ ಮಾಡಿದ ದೇವರಿಗೆ ಕೃತಜ್ಞತೆ ಸಲ್ಲಿಸಿ ಸಂತಸದಿಂದ ಹಾರಿಹೋಯಿತು.
ಕಥೆಯ ನೀತಿ / Moral of the Story in Kannada : ನೀವು ಏನನ್ನು ಹೊಂದಿದ್ದರೂ ಮತ್ತು ಹೇಗೆ ಇದ್ದರೂ ಸಂತೋಷವಾಗಿರಿ. ನಿಮ್ಮನ್ನು ಎಂದಿಗೂ ಇತರರೊಂದಿಗೆ ಹೋಲಿಸಬೇಡಿ.
ಮೂರ್ಖ ಕಳ್ಳ ಕನ್ನಡ ನೀತಿ ಕಥೆ | The Foolish thief Akbar Birbal Moral Stories in Kannada
ಒಮ್ಮೆ, ಒಬ್ಬ ಶ್ರೀಮಂತ ವ್ಯಾಪಾರಿ ರಾಜ ಅಕ್ಬರನ ಆಸ್ಥಾನಕ್ಕೆ ಬಂದನು. ತನಗಿರುವ ಸೇವಕರಲ್ಲಿ ಯಾರೋ ನನ್ನ ಮನೆಯಲ್ಲಿ ದರೋಡೆ ಮಾಡಿದ್ದಾನೆ ಆದರೆ ಯಾರು ಕಳ್ಳತನ ಮಾಡಿದ್ದಾರೆಂದು ಗೊತಾಗುತ್ತಿಲ್ಲ ಎಂದು ವ್ಯಾಪಾರಿ ತನ್ನ ಸಮಸ್ಯೆ ವಿವರಿಸಿದನು.
ಬೀರ್ಬಲ್ ಇದನ್ನು ಕೇಳಿದ ನಂತರ ಒಂದು ಯೋಜನೆಯನ್ನು ರೂಪಿಸಿ ವ್ಯಾಪಾರಿಯ ಸೇವಕರನ್ನು ಕರೆದನು.
ಬೀರ್ಬಲ್ ಪ್ರತಿಯೊಬ್ಬ ಸೇವಕನಿಗೆ ಒಂದೇ ಉದ್ದದ ಕೋಲನ್ನು ಕೊಟ್ಟು, ಇದು ಮಂತ್ರ ಶಕ್ತಿ ಇರುವ ಕೋಲು ಮತ್ತು ಯಾರು ಕಳ್ಳತನ ಮಾಡಿರುತ್ತಾರೋ ಅವರ ಕೋಲು ಮಾರನೆಯ ದಿನ ಎರಡು ಇಂಚು ಬೆಳೆದಿರುತ್ತದೆ ಎಂದು ಸುಳ್ಳು ಹೇಳಿ ಎಲ್ಲ ಸೇವಕರನ್ನು ನಾಳೆ ಬರಲು ಹೇಳಿ ಕಳುಹಿಸಿದನು.
ಮರುದಿನ ಸೇವಕರು ಬಂದಾಗ, ಒಬ್ಬ ಸೇವಕನ ಕೋಲು ಇತರರಿಗಿಂತ ಎರಡು ಇಂಚು ಚಿಕ್ಕದಾಗಿರುವುದನ್ನು ಬೀರ್ಬಲ್ ಗಮನಿಸಿದನು.
ಬೀರ್ಬಲ್ ಗೆ ಕಳ್ಳ ಯಾರೆಂದು ಗೊತ್ತಾಯಿತು.
ಎರಡು ಇಂಚು ಬೆಳೆಯುತ್ತದೆ ಎಂದುಕೊಂಡ ಮೂರ್ಖ ಕಳ್ಳ, ಕೋಲನ್ನು ತಾನೇ ಎರಡು ಇಂಚು ಚಿಕ್ಕದಾಗಿ ಕತ್ತರಿಸುವ ಮೂಲಕ ತನ್ನ ತಪ್ಪನ್ನು ತಾನೇ ಒಪ್ಪಿಕೊಂಡಂತಾಯಿತು.
ಕಥೆಯ ನೀತಿ / Moral of the Story in Kannada : ಸತ್ಯ ಯಾವಾಗಲೂ ಗೆಲ್ಲುತ್ತದೆ (Truth always wins).
These are some of the top moral stories in Kannada for you. Click on the below links to check out other stories in Kannada. Hope you liked these moral stories in Kannada.
